Veseli premton nënshkrimin për komisionin që do të hetojë fryrjen e listave të veteranëve

15:03 | 1 Qershor 2018
Arbresh.info

Në vazhdimin e seancës plenare që është duke u mbajtur është folur edhe për manipulimin që është bërë me listat e veteranëve të luftës, raporton arbresh.info.

Në debat Lëvizja Vetëvendosje ka propozuar një rezolutë ku kërkohet formimin i një komisioni për të hetuar këtë çështje.

E kryetari i Kuvendit, që edhe ka qenë pjesë e luftës së fundit, ka thënë se duhet të qartësohet deri në fund kjo akuzë që po bëhet prej kohësh.

“Nuk është mirë që të manipulohet më këtë çështje, sepse pastaj po goditen luftëtarët e ata që kanë manipuluar po mbeten anash. T’ia nisim nga Shtabi i Përgjithshëm i UÇK-së, e ta shohim a i kemi familjarët tanë në këto lista. E pastaj të shkohet tek ata që e kanë sha UÇK-në, se lëre më që nuk kanë qenë në luftë. Unë e jap nënshkrimin i pari për formimin e këtij komisioni”, ka thënë mes tjerash kryeparlamentari./Arbresh.info/